ما هو الــ MOOCs

ما هو الــ MOOCs

ما هو الــ MOOCs

ده اختصار ل Massive Open Online courses.يعنى باختصار ده اللى احنا بنسميه عندنا , التعليم الاونلاين.

*اتعلم اونلاين يعنى ايه ! – يعنى انت تقدر تتعلم اى علم او مجال فى الدنيا من اكبر جامعات العالم ببلاش كل المطلوب منك ” كمبيوتر او لاب توب + وصله نت ” * بجد الكلام ده ؟ طب انت جربته ؟اه جربته تعالى احكيلك حكايتى باختصار مع التعليم الاونلاين , كنت فى اخر سنه فى الكليه ومكنتش بحب الكليه خالص عشان كلامها كان كله نظرى ومكنتش بستفيد حاجه , وكنت فاكر انى بكره العلم والتعليم, بس كنت غلطان لانى اكتشفت ان اى شخص فى الدنيا بيعشق التعلم بس لو اتقدمله صح بطريقه عمليه ممتعه, وده اللى حصل معايا لما عرفت كنز “moocs” قلت هجربه واشوف هلاقى المجالات اللى نفسى اتعلمها ولا لا , وبالفعل لقيت كل المجالات, ومكنتش مصدق وانا قاعد ف بيتى انى بتعلم من جامعات وناس مكنتش احلم بيهم , وبدات اغير استخدامى للنت بدل ما اضيع وقتى ع الفيس بقيت بقرا واذاكر اونلاين, كورس ورا كور س , كتاب ورا كتاب , بقيت شاطر جدا فى مجالى واتعلمت حاجات متعلمتهاش فى 4 سنين جامعه. واتفتحت عينى على مجالات اوسع مسمعتش عنها قبل كده , واتعلمت مجال زى “الديجتال ماركتينج” لوحدى من بيتى من غير ولا مليم وبقيت شغال فى اكبر الشركات فى المجال ده وده كله بفضل ربنا اولا ثم كنز التعليم اونلاين ثانيا.* ايه الحلاوه دى , طب انا كمان نفسى ابدا واتعلم بس معرفش مواقع ولا عارف ابدا ازاى ؟- عيب عليك تقول كده و نادى القراءة العملية موجود , هما اصلا موجودين عشانى وعشانك وعشان كل طالب جامعى يدرس اللى بيحبه ويتعمق فيه . عملو مكان كامل تقدر تتعلم فيه اى مجال بتحبه اونلاين ببلاش , وبيتابعو معاك خطوه ب خطوه لحد ما بتكون صنايعى فى مجالك. دول شويه مواقع عربية للتعليم عن بعد:

www.aldarayn.com https://www.rwaq.org  https://edraak.org http://waqfonline.net

و دول شويه مواقع اجنبية للتعليم عن بعد www.udemy.com/  www.coursera.org   www.shawacademy.com  www.lynda.com  www.futurelearn.com/ 

يلا ابدا ومتكسلش واختار مجال تكون شغوف بيه ونفسك تتعلمه واستعين بالله واتعلم من بيتك

Like
Like Love Haha Wow Sad Angry

Similar Posts

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *